محمد خاطر يكتب: تخاريف

محمد خاطر يكتب: تخاريف محمد خاطر

الهَجر له أشكال .. وجع الفراق واحد
الدَمع منك سال .. على قلب كان جاحد!
العُمر زي القطر .. محطات وبيعدّي
الحلو زي المُر .. لو فات ما بيهدّي

قلبك كان له وطن .. مسموعة دقاته
قلبه كان لك سكن .. في ظل آهاته
الغربة كانت ناس .. توعد وما توفي
عمرك ده لو مسموح .. ياخدوه وما يكفي

الاهتمام أنواع .. ضياعه بيّفرق
لو زاد عن المعتاد .. للحياة يخنَّق
اللي جي إيه؟! .. اللي راح كان ليه؟!
العشق لو اتباع .. القلب ما يصدّق

اللي كان بيحب .. وكانوا يوم أصحاب
عاشوا زي إخوات .. كان التعب للقلب
ظروف بتطرح خوف .. ويّا أمل كذاب
حلم لسه ما مات .. لكنه أصبح صعب
الغيرة لما تطوف .. ييجي معاها عتاب
العمر عدا وفات .. وحياة عايشها ذنب

الحلو بعديه مُر .. والدنيا جرّايه
والعيون دي سِر .. نظراتها نسّايه
الصبر زي الطيف .. في الجي مستني
القلب نام تخاطيف .. في العشق تاه مني

والعِشق لو بالرضا .. مايبقالوش آخر
القلب لو ارتضى .. بالقهر .. هيعافر
هي الحياة ألوان .. والسواد ظاهر
لو الحقيقة تبان .. بنعيش وبنكابر

يا عشمانين في العِشق .. الهوى غلاب
اتعشموا في المولى .. مُسبب الأسباب
القلب لو كان ساكِن .. يختفوا الأحباب
وماكنش يبقى الهم .. مين باقي من مين ساب

عيش الحياة تخاريف .. مضمونها كده فاضي
إحساسها بينا خريف .. تغييره ع الفاضي
ماتفكرش ليها أسياد .. دي نفخة ع الفاضي
لو خدت منها معاد .. بلغها مش فاضي

الوسوم