حسناء أحمد تكتب: “بعتذرلك”

حسناء أحمد تكتب: “بعتذرلك” حسناء أحمد

بعتذرلك

إني دايمًا كنت راضية بالقليل

وإني بسرح لم أشوفك

والوجع عمال يزيد

وإني راضية بيك وعارفة

مستحيل يجمعنا بيت

وإني ساكتة لأني عاشقة

والكلام مالهوش بديل

وإني بحتاجلك يوماتي

والغياب قصر حياتي

وإني سبت الناس وجتلك

والفراق ده كان جزاتي

وإن صمتي لم شوفتك للأسف زود أهاتي

بعتذرلك..

إني كنت عبيطة جدا والفراق أثر عليا

بعتذرلك إن حضنك فـ البداية

هو ده حضن النهاية

وإني بسهر ليلي افكر

والدموع تغلب هوايا

اعتذاري فـ وقت شوقي

مش مبرر للحكاية

والنهاية هي هي مش هتفرق مـ البداية

فـ اختلافي أنا مش كبير

كونه وهم وعشت فيه

والحقيقة حلم زايف

من البداية خط تايه

والحنين فـ قلوبنا ساكن

لقلب مش ناوي يلين

بعتذرلك..

عـ النهاية والبداية مـ الحكاية

بعتذرلك..

واعتذاري مش مبرر

بعتذرلك والقرار أصلا يحير

والفراق قسمة ونصيب

والوجع مكتوب يوماتي

والحبيب قرر يغيب

وانتهى مشوار حياتي

 

الوسوم